王維基4大創新計劃

前排各大社交媒體都有分享同轉發王維基的創業辛酸史,當中佢更講到每一次的創業,都總會有人唱反話說「沒可能」,最後憑佢無比既決心終於成就香港電視,最近一次公司業績已經轉虧為盈,2020年上半年賺1億元。對於一眾中小企老闆,佢係一位好值得學習既對象。王維基最近又提出四大「創新計劃」,我地有冇機會從中得到什麼啟示?

外賣平台
香港人近半年都好接受叫外賣用餐,好多人都會用外賣平台例如foodpanda, deliveroo等,外賣平台突然冒起來,香港電視都有意進軍外賣平台。如果作為餐飲業老闆,多一個外賣平台選擇,就有機會減低平台抽佣,同埋又多一個途徑做多D生產。

網購平台
依家多左人創業,最簡單開個facebook page就做到生意,岩晒好多小店同KOL儲客仔。其實小店老闆同KOL可以利用香港電視進入網購平台,增加產品銷售量,同時宣傳自己。當然產品上架要比上架費網購平台,如果合理既收費可以帶多D新生意,都可以值得考慮。

電子錢包
自從payme出現左次後,多左人食飯買野都會選擇用佢,貪佢可以用信用卡增值,而且佢背後係匯豐銀行既app,安全性高。香港電視有意發展電子錢包,對於一班後生仔同忠粉黎講緊係歡迎啦。作為小商家要開發電子錢包難度極高,寧願加盟一個自己鍾意既電子錢包系統更加適合不過。

大數據分析
潮流興大數據,做生意搞marketing都話要用大數據,小店邊有咁多數據做參考。香港電視依家話會興建數據庫,同本地大學、金融機構一齊分享同研究大數據。港視依幾年搞電商咁成功,佢D數據非常有研究價值,如果佢開放比小店加盟使用,小店就可以借力做精準推廣,增加銷售。

總結
對於王維基黎緊既四大「創新計劃」,大家不妨認真諗下佢既可行性,分分鐘有機會借助香港電視咁強既電商平台而小店們成功突圍,真係要拭目以待。